Еңеү өсөн генә түгел, һаулыҡ өсөн дә...

Һәр йылдағыса ҡалала Халыҡ-ара йәштәр һәм Бөтә Рәсәй физкультурниктар көнөнә арналған ҙур сара үтте. Ошо уңайҙан мәҙәниәт һәм ял паркында “Ихата чемпиондары лигаһы” еңеүселәре лә тәбрикләнде.

спорттың 107 төрө үҫтерелә. Салауатта физкультураны, сәләмәт йәшәү рәүешен үҙ итеүселәр йылдан-йыл арта бара. Спортсылар иһә ҡалала ғына түгел, Республика, Рәсәй кимәлендә уҙғарылған ярыштарҙа ҡалабыҙ данын яҡлап, уңышлы сығыш яһай, яҡшы һөҙөмтәләргә өлгәшә. Спорт һәм физик культураға төрлө йәштәге кешеләр йәлеп ителә. Беҙҙә спорттың иң популяр төрҙәре булып волейбол, баскетбол, мини-футбол, өҫтәл теннисы, футбол, шашка, шахмат, гер күтәреү, милли көрәш, еңел атлетика, саңғыла уҙышыу һ.б. тора.

Ҡала хакимиәте башлығы Динар Хәлилов йәштәр сәйәсәтен тормошҡа ашырыуҙа тос өлөш индергән иң яҡшы спортсыларға Почет грамоталары һәм Рәхмәт хаттары тапшырҙы. Ә физик культура һәм спорт идаралығы начальнигы Александр Прокопов “Ихата чемпиондары лигаһы” призерҙарына велосипедтар тапшырҙы.

Шулай уҡ Бөтә Рәсәй форумдың республикабыҙҙы яҡлап сығыш яһаған Екатерина һәм Данил Чикуновтар ҙа билдәләнде.

Көн оҙоно төрлө ярыштар: өҫтәл теннисы, футбол, стритбол уйындары, штанга күтәреү, эстафеталар үтте. Ҡаланың ижади коллективтарының сығышы байрамды йәмләне.