Фатирлы булып ҡыуандылар

Мәләүез ҡалаһының Төньяҡ-көнбайыш биҫтәһендә ата-әсә ҡарауынан мәхрүм ҡалған 14 балаға яңы фатир асҡыстары тапшырылды.

- Беҙ ата-әсәһеҙ ҡалған һәм дәүләт ярҙамына мохтаж булған һәр баланы торлаҡ менән тәьмин итергә тырышабыҙ. Шул уҡ ваҡытта фатирҙарҙың өр-яңы йорттан бүленеүенә, төҙөк, сифатлы булыуына иғтибар итәбеҙ, - ти Мәләүез районы хакимиәте башлығы Рөстәм Шәмсетдинов өй туйлаусыларға асҡыс тапшырыу тантанаһында.