Хәбировтың рейтингы күтәрелә

Радий Хәбиров «бик көслө йоғонтоло» Рәсәй субъекттары башлыҡтары рейтингына ингән.

Сәйәси һәм иҡтисади коммуникациялар агентлығы эксперттары 2019 йылдың июлендә Башҡортостан Башлығы вазифаһын ваҡытлыса башҡарыусы Радий Хәбировты «бик көслө йоғонтоло» Рәсәй Федерацияһы субъекттары башлыҡтары исемлегенә индергән.

Рейтингты төҙөүселәр билдәләүенсә, Хәбиров июнь менән сағыштырғанда 26-сы урындан 19-ға күтәрелгән. Шул рәүешле бик көслө йоғонтоло губернаторҙар иҫәбенә ингән.

«Бик көслө йоғонтоло» башлыҡтар рейтингын Мәскәү мэры Сергей Собянин аса, икенсе урында — Чечен Республикаһы башлығы Рамзан Ҡадиров, өсөнсөлә — Татарстан президенты Рөстәм Миңлеханов. Ямал-Ненец автономиялы округы губернаторы Дмитрий Артюхов исемлектә һуңғы урында килә.