Ит- изгелек, көт яуызлыҡ. Ярҙамға ашыҡҡан яҡташыбыҙ һәләк булды...

1 августа полиция хеҙмәткәрҙәре И. Ханов менән А. Царегородцев саҡырыу буйынса килгән урында ҡанға туҙған бер иргә тап була. Улар шунда уҡ беренсе медицина ярҙам күрһәтергә тотона.

Шул саҡ, көтмәгәндә, теге әҙәм аҡтығы егеттәргә ҡаршы бысаҡ менән ташлана. Енәйәтсе Илмирҙың муйынына һәм йөрәк тәңгәленә ҡапыл сәнсә, икенсе полицейскийҙы ла йәрәхәтләп өлгөрә. Александр Царегородцев, яраланыуына ҡарамаҫтан, енәйәтсегә ҡаршы табель ҡоралын ҡулланырға үҙендә көс таба. Яҡташыбыҙ Илмир ауыр йәрәхәттәрҙән яҡты донъя менән хушлаша, иптәше А. Царегородцев әле дауаханала. Полиция хеҙмәткәрҙәренә һөжүм иткән енәйәтсе үҙе лә вафат була. Илмир Дүртөйлө районының Семилетка ауылында тыуған. Сорғотҡа ул бер нисә йыл элек килгән.