Владимир Путин водителдәргә ҡағылышлы заҡонға ҡуйҙы

Ил Президенты рәсәйҙәргә автомобилдәргә теркәү номерҙарын әҙерләүселәрҙән үҙ аллы һатып алыу мөмкинлеген биргән законға ҡул ҡуйҙы.

Уға ярашлы, махсус ойошмалар һәм уларҙың етәкселәре тарафынан аңлы рәүештә йәки яңылыш автомобилдәрҙең теркәү мәғлүмәттәре боҙоп күрһәтелһә, дөрөҫ маркировкаланмаһа, шулай уҡ дәүләт теркәүе тәртибе боҙолһа, был хаталар өсөн яуаплылыҡ билдәләнгән.

Бынан тыш, Рәсәйҙән ситкә сыҡҡан транспортҡа ҡарата теркәүҙең яңы тәртибе индерелә. Закон 2020 йылдың 1 ғинуарынан көсөнә инә.

Ә номерҙар күпме торор? Документҡа ярашлы, улар ике мең һумдан да артмаҫҡа тейеш. Мотоциклдар, тракторҙар, тағылмалы арбалар өсөн – 1,5 мең һум. Транспорт сараһын теркәү ҡағыҙ танытма биреү менән бергә 500 һумға төшөр. Пластиктан яһалғаны 1,5 мең һум торасаҡ.

#ВладимирПутин