Бал ҡортонан сағылып һәләк булған

Был хәл Мишкә районында булған. Яҡынса мәғлүмәттәр буйынса, полиция капитаны үҙенең ялында ғаиләһе менән Юбайкүл ауылында таныштарына ҡунаҡҡа бара. Кисен ирҙең муйынын бер нисә бал ҡорто саға, шунда уҡ уның тын алышы насарая. Зыян күреүсене ашығыс ярҙам машинаһында дауаханаға илтәләр, әммә табиптар уға ярҙам итә алмай, полиция хеҙмәткәре анафилактик шоктан һәләк була.