Автомобиль эсендә - ике мәйет

Бөгөн Башҡортостанда янған автомобиль табылған, уның эсендә ике мәйет ятҡан. Ҡайһы бер сығанаҡтар хәбәр итеүенсә, был ҡурҡыныс хәл Ейәнсура районынының Сәғит ауылы эргәһендә булған. Әлеге мәлдә ваҡиғаны хоҡуҡ һаҡлау органдары был осраҡты тикшерә. Әйткәндәй, ошоға оҡшаш ваҡиға күптән түгел Башҡортостан юлдарының береһендә булғайны. Бензин ташыған ҙур машина янып киткәс, уның шоферы кабинанан һикереп өлгөргән, әммә барыбер йәрәхәтләнгән: медицина хеҙмәткәрҙәре уның тәненең 70 проценты янған тип хәбәр итә.