Башҡорт телен өйрәнәбеҙ

Башҡортостанда башҡорт телен үҙаллы өйрәнеү өсөн веб-ресурс булдырыла.

«Интерактив башҡорт теле» проекты дәүләт телдәрен һәм республика халыҡтары телдәрен һаҡлау һәм үҫтереү буйынса 2,9 миллион һум күләмендә Башҡортостан башлығы грантын алды.

Веб-ресурс өҫтөндә Башҡортостан Республикаһының Мәғарифты үҫтереү институты командаһы эшләй. Проект сиктәрендә башҡорт телен үҙаллы өйрәнеү һәм һөйләү телмәрен үҫтереү өсөн медиа-контент булдырыла. Веб-ресурс контентын башҡорт телен дәүләт теле булараҡ өйрәнеү буйынса өҫтәмә белем биреү программаһы итеп ҡулланырға мөмкин.

Проект сайтында интерактив онлайн-дәрестәр, видеороликтар, һүҙлектәр урынлаштырыласаҡ. 34 тематик дәрес уҙғарыу өсөн материалдарҙа – сәләмләү, һөйләшеү этикеты һүҙҙәре, үҙаллы күнекмә өсөн күнегеүҙәр.