"Йәйләү"гә килегеҙ, ҡымыҙ тәмләгеҙ

27-28 июлдә Өфөлә «Аҡбуҙат» ипподромында тәүгә «Йәйләү» башҡорт ҡымыҙы этно-фестивале ойошторола. Сараға бөтә республиканан ҡымыҙ бешеүселәр саҡырылған. Ойоштороусылары - Башҡортостан Хөкүмәте, Ауыл хужалығы министрлығы, «Аҡбуҙат» ипподромы, UMAY Ethno Production.

Фестивалдең төп маҡсаты - «Башҡорт ҡымыҙы» брендын тергеҙеү һәм популярлаштырыу. Ҡымыҙ-фест майҙансығында тирмәләр һәм ихаталар ҡороу, оҫталыҡ дәрестәре, ауыл хужалығы продукцияһы һәм кәсепселәр күргәҙмәләре, «Ашмаркет» аш-һыу фестивале, музыкаль этно-фестиваль, ат сабыштары, балалар өсөн төрлө саралар ойоштороу, ҡымыҙ менән һыйлау күҙаллана. Фестиваль барышында ҡымыҙ бешеүселәрҙең һөнәри съезы уҙғарыла.

#Миллипроекттар