Юл фажиғәләре бигерәк күп

Кисә Туймазы районында ҡот осҡос авария булған. Унда ике кешенең ғүмере өҙөлгән. Машинала барған ирле-ҡатынлы йән бирә, артта ултырған бәләкәй ҡыҙ иҫән. Юғары тиҙлектә килгән ВАЗ 2110 автомобиле тауға менгән урында уҙырға була һәм ҡаршыла килгән “Хендей Акцент”ҡа бәрелә. Ике машина ла бик юғары тиҙлектә килгәнлектән, ныҡ ҡаты бәрелешә. Үрҙә әйтелгәнсә, “Хендей Акцент”тың водителе менән пассажиры һәләк була. Бала ауыр хәлдә. Ватан автомобиле рулендәге кеше иһә ауыр йәрәхәттәр менән дауаханаға оҙатыла. Яҡынса мәғлүмәт буйынса, ул эскән булған.