Үҙ аҡсаһы өсөн ғүмере менән хушлашҡан

29 йәшлек эшҡыуар 35 йәшлек дуҫын үлтергән.Төҙөлөш тармағында тир түккән бер эшҡыуар дуҫынан бер миллион һум тирәһе аҡса алып торған, әммә сумманы кире бирергә теләмәгән. Шулай итеп, ул төҙөлөш ҡоролмаларын һатып алыу һылтауы менән үҙенә аҡса биреп торған егетте Бәләбәйгә техника ҡарарға саҡырған һәм унда уны бысаҡ менән сәнскеләгән. Аҙаҡ эшҡыуар, мәйетте еңел машинаға һалып, Туймазы районындағы бер яланда ҡар аҫтына күмеп, ташлап киткән. Ике ай үткәс, урындағы халыҡ мәйеттең ҡалдыҡтарын тапҡан. Һөҙөмтәлә, егерме туғыҙ йәшлек ир 17 йылға иркенән мәхрүм ителгән. Өҫтәүенә ул “дуҫ”ының яҡындарына бер миллион һум күләмендә әхлаҡи зыянды түләргә тейеш.