Флаг Кечкеметҡа тапшырылды

«Ватан» этнопаркында 53-сө йәйге Халыҡ-ара балалар уйындарын ябыу тантанаһында Өфө Уйындарҙың флагын 2020 йылда ярышты ҡабул итәсәк Венгрияның Кечкемет ҡалаһына тапшырҙы.Быға тиклем Башҡортостандың баш ҡалаһында миҙал өсөн көрәшкән бөтә командалар ҙа финал парадында ҡатнашты. Рус һәм туған телдәрендәге сәләмләүҙәр, өфөләрҙең алҡыштары - былар барыһы ла балаларға үҙҙәрен ҙур ваҡиғаның бер өлөшө итеп хис итергә мөмкинлек бирҙе. Майҙанға спортсылар янына Башҡортостан башлығы вазифаһын ваҡытлыса башҡарыусы Радий Хәбиров хәләле Каринэ Хәбирова менән килде. Республика етәксеһе бөтә командалар вәкилдәре менән аралашты. Тренерҙар һәм йәш спортсылар оҙаҡ ҡына Радий Хәбиров менән һөйләште.