Йәй, диңгеҙ, ял

Салауат башҡорт дәүләт драма театры ҡарамағындағы «Арлекин» өлгөлө балалар студияһы Алушта ҡалаһында 17 июлдән 23-өнә тиклем уҙасаҡ «Театраль палитра» IV-се Асыҡ Халыҡ-ара балалар, үҫмерҙәр һәм өлкәндәр ижады фестивалендә ҡатнаша. Тамашасылар хөкөмөнә беҙҙекеләр К. Драгунскаяның «Ҡыяр һәм башҡа пирожныйҙар» спектаклен сығара. Студияны Салауат театры актеры Радик Ғәлиуллин етәкләй. Фестивалдә еңеүселәрҙең Санкт-Петербург ҡалаһындағы А. С. Герцен исемендәге Рәсәй дәүләт педагогия институтына һәм Мәскәүҙәге Заманса сәнғәт институтына ташламалы уҡырға инеү мөмкинлеге бар.