Милли проекттар мәсьәләһе күтәрелде

Рәсәй Президенты ҡарамағындағы президиум ултырышында милли проекттар мәсьәләһе күтәрелде.Видеоконференция форматындағы кәңәшмәне Рәсәй Хөкүмәте рәйесе Дмитрий Медведев алып барҙы. Ул төбәктәрҙә милли проектарҙы ғәмәлгә ашырыу барышы менән ентекләп танышты. Премьер-министр билдәләүенсә, инфрастурктураны модернизациялауға байтаҡ сығымдар бүленгән. Мәҫәлән, быйыл был сумма 1,7 триллион һумдан ашыу. Аҡсаларҙың бер өлөшө бюджет-ара трансфер тураһындағы килешеүгә ярашлы төбәктәргә күсерелгән. Башҡарылған эштең һөҙөмтәлелеген арттырыуҙа электрон ҡаҙна системаһы ҙур ярҙам күрһәтә. Уның буйынса милли проекттарҙың нисек бойомға ашырылыуын асыҡ күрергә мөмкин, - тине ил Хөкүмәте рәйесе.