Һөтмө? һөт эсемлегеме?

Һөт һатыуҙа яңы ҡағиҙә үҙ көсөнә инде.Һөт һәм һөт эсемлеге тигән төшөнсә барлыҡҡа килде. Магазин кәштәләрендә улар айырым ҡуйыла. Составында пальма майы булған шыйыҡса һөт эсемлеге тип атала. Ә сифатлы, ысын һөт махсус билдә менән тамғалана.Яңы законға бәйле Өфөлә “Халыҡ контроле” рейды үткән. Уның барышында сауҙа үҙәктәрендә һөт ризыҡтары тикшерелгән. Һөҙөмтәлә, сауҙа ойошмалары үҙгәрештәргә әҙер булмауы асыҡланды. Киләсәктә бындай рейдтар республиканың ҡала-райондарында дауам итәсәк.