Һауым артҡанда ла һөткә хаҡ күтәрелә

Аҙна һайын Башстат аҙыҡ-түлеккә мониторинг үткәрә. Июндең һуңғы аҙнаһында ҡайһы бер ризыҡтарға хаҡ күтәрелеүе билдәләнде.

Сусҡа, тауыҡ итенә, аҡ майға хаҡтарҙың артыуын күптәр тойғандыр. Һауым артҡан, мал аҙығы етерлек булған йәйге миҙгелдә лә һөткә хаҡтар күтәрелеүе ғәжәп тойола. Тоҙ, кишер ҙә бер аҙ ҡиммәтләнгән, әммә картуфҡа хаҡтар нығыраҡ “тешләшә”.

Шулай ҙа күңелде бер аҙ йыуатырлыҡ хәбәр бар: ҡыяр һәм помидорға хаҡтар ете процентҡа төштө.