Был аҙнала ниҙәр көтә беҙҙе?

Ниндәй йондоҙлоҡ аҫтында тыуыуығыҙға ҡарап, 1 июлдән 7-һенә тиклем нимәләр көтөүен белегеҙ.

Ҡуҙы (21.03 – 20.04)

Эшегеҙҙә уңыш йылмайыр. Яңғыҙҙарҙың үҙ парын осратыуы ихтимал. Күсемһеҙ милеккә бәйле мәсьәләләргә тотонмау хәйерлерәк. Туғандарығыҙ менән уртаҡ тел табыуы ауыр булыр. Башлаған ремонтығыҙҙы тамамларға кәрәк.

Буға (21.04 – 21.05)

Башҡарып сыға алмаҫлыҡ бурыстар юҡ. Карьера баҫҡысынан үрләү мөмкинлеге бар. Шәхси тормошоғоҙҙа эштәр маҡтанырлыҡ түгел. Финанс көрсөгө кисерерһегеҙ, әммә үтескә аҡса алмағыҙ. Шәмбе дуҫтарығыҙ менән осрашырһығыҙ.

Игеҙәктәр (22.05 – 21.06)

Һеҙҙе тау өйөмө кеүек эштәр көтә. Ғаиләгеҙҙә тауыш сығыр. Ял көндәрен ҡаланан ситтә уҙғарығыҙ. Электр йыһаздары менән эш иткәндә һаҡ булығыҙ. Спиртлы эсемлектәр эсеүҙән тыйылығыҙ, ағыуланып ҡуйығыҙ бар.

Ҡыҫала (22.06 – 23.07)

Сәйәхәткә сығыу өсөн уңайлы мәл. Балаларығыҙға ҡарата иғтибарлы булығыҙ. Эштә аңлашылмаусанлыҡтар килеп тыуыр. Кешеләргә ышаныслы булыуығыҙ арҡаһында үҙегеҙ алданыуығыҙ ихтимал. Ғаиләгеҙҙә барыһы ла яҡшы.

Арыҫлан (24.07 – 23.08)

Аяҡ салыусыларға ҡаршы торорға әҙер булығыҙ. Аҡсаға ҡытлыҡ кисерерһегеҙ. Шау-шыулы ерҙәргә барыуҙан тыйылып тороғоҙ. Һөйгәнегеҙ менән арағыҙ һыуыныр. Фатир һатыу-һатып алыу кеүек мәсьәләләр уңышлы хәл ителер.

Ҡыҙ (24.08 – 23.09)

Эшлекле бәйләнештәр булдырыу өсөн шәп осор. Тирә-йүндәгеләрҙең фекеренә лә ҡолаҡ һалығыҙ. Аҡсағыҙҙы уңға-һулға таратмағыҙ. Баҡса эштәрен башҡарғанда арҡағыҙҙы һаҡлағыҙ, өҙлөгөп ҡуйыуығыҙ бар. Йома шатлыҡлы хәбәр алырһығыҙ.

Үлсәү (24.09 – 23.10)

Кәйефегеҙ бер күтәрелер, бер төшөр. Бизнес буйынса партнерығыҙҙың хатаһы арҡаһында ҙур аҡсанан ҡолаҡ ҡағыуығыҙ ихтимал. Был осорҙа юғары ҡан баҫымынан яфаланғандарға айырыуса иғтибарлы булырға кәрәк.

Саян (24.10 – 22.11)

Уңышлы осор көтә. Эш һөйөүегеҙҙе хеҙмәт урынында ла һиҙерҙәр. Яңы вазифаға үрләү мөмкинлеге бар. Шаршамбы эре әйбер һатып алыу отошло булыр. Аҙна аҙағы көтөлмәгәнерәк тамамланыр - шикле хәбәр ишетерһегеҙ.

Уҡсы (23.11 – 21.12)

Коллективта мөнәсәбәттәр ҡатмарлы булыуында үҙегеҙ ғәйепле. Шишәмбе дуҫығыҙ менән һөйләшеү күңелегеҙҙе төшөрөр. Ял көндәрен алданыраҡ планлаштырығыҙ. Шишәмбе руль артына ултырыу кәңәш ителмәй.

Ылаҡ (22.12 – 20.01)

Был аҙнала мөһим шылтыратыу алырһығыҙ. Яҡындарығыҙ менән бәхәскә инерһегеҙ, ахырыһы. Алыҫтан күптән көткән ҡунаҡтарығыҙ килеп төшөүе бар. Эштә отпуск алығыҙ. Спорт менән шөғөлләнеүҙән энергия алырһығыҙ.

Һыуғояр (21.01 – 19.02)

Күптән дуҫлашып йөрөгән йәрегеҙ менән ташлашырһығыҙ. Эре эштәргә тотонмағыҙ һәм бер ниндәй мөһим килешеүҙәргә ҡул ҡуймағыҙ. Хроник ауырыуҙарығыҙ ҡуҙғып йонсотор. Иң уңышлы көнөгөҙ - дүшәмбе.

Балыҡ (20.02 – 20.03)

Үҙгәрештәрҙән ҡурҡмағыҙ, ҡыйыуыраҡ булығыҙ. Планлаштырылған булһа ла, йомалағы осрашыуҙы икенсе ваҡытҡа күсерегеҙ. Йәкшәмбе ваҡиғалар икенсе боролош алыр. Өҫтәмә килем сығанағы табыу кеҫәгеҙҙе ҡалынайтыр.