Бала түгел, байрам ҡайғыһы булған

Өфөлә иҫерек ата-әсә өс йәшлек ҡыҙҙарын магазинда онотоп ҡалдырған. Кис көнө Мушников урамында өс йәшлек бала юғалған. Урындағы халыҡ уны эҙләй башлаған. Күҙәтеү камераларынан ҡыҙыҡайҙы билдәһеҙ ир алып киткәне күренгән. Асыҡланыуынса, атаһының тыуған көнөн билдәләгән ата-әсә ҡыҙҙарын магазинда онотоп ҡалдырған. Баланы үтеп барған ир күреп ҡалған. Ул да эскән булған. Тәүҙә ир-егет һатыусыларҙан ҡыҙыҡайҙың ата-әсәһе тураһында һорашҡан, ә аҙаҡ үҙе уларҙы эҙләп киткән. Баланың ата-әсәһе табылған. Уларға ҡарата «Ата-әсәнең бәлиғ булмағандарҙы тәрбиәләү буйынса бурыстарын үтәмәүе» статьяһы буйынса протокол төҙөлгән.