Һорауың бармы? Шылтыратып ҡара

Бөгөн Рәсәй Президенты “Владимир Путин менән тура бәйләнеш” уҙа. Ул Мәскәү ваҡыты менән көндөҙгө сәғәт 12-лә башлана. Тапшырыу тура эфирҙа “Беренсе”, “Рәсәй 1”, “Рәсәй 24”, “НТВ”, “ОТР”, “Мир” телеканалдары, “Маяҡ”, “Вести FM”, “Рәсәй радиоһы” радиостанциялары аша трансляциялана.Сара барышында Владимир Путин илдең ижтимағи-сәйәси, социаль-иҡтисади тормошона, шулай уҡ халыҡ-ара хәлгә бәйле һорауҙарға яуап бирәсәк. Дәүләт етәксеһенә телефон аша шылтыратып, СМС-, ММС-хәбәрҙәр ебәреп, махсус ҡушымта, шулай уҡ тапшырыуҙың сайты аша мөрәжәғәт итергә мөмкин. "Тапшырыу һәр яҡлап яҡшы ойошторолорға, бер ниндәй өҙөклөктәр, етешһеҙлектәр булмаҫҡа тейеш" тигән бурыс ҡуйҙы дәүләт етәксеһе.