Тиҙҙән төҙөй башларҙар

Өфөләге кардиоүҙәкте реконструкциялауға “СУ-10 фирмаһы” тотонасаҡ. Медицина учреждениеһына яңы хирургия корпусы төҙөүгә аукцион һөҙөмтәләре билдәле булды.

Дәүләт һатып алыу порталында белдереүҙәренсә, “СУ-10 фирмаһы” тәүге хаҡы 2,62 миллиард һумлыҡ контрактты үтәргә тәҡдим иткән. Ошондай уҡ сумманы “Билд” йәмғиәте лә тәҡдим иткән. Һөҙөмтәлә, комиссия аукциондың беренсе ҡатнашыусыһын еңеүсе тип таныған.

Республика кардиоүҙәгенең яңы хирургия корпусы 4 июлдә төҙөлә башлаясаҡ. Эште 2021 йылдың ноябрендә тамамлау планлаштырыла.