Милли проекттар бойомға ашырыла

Республикала “Мәҙәниәт” милли проектын тормошҡа ашырыу маҡсатында төрлө саралар киң йәйелдерелә башланы. Район үҙәктәрендә лә кинозалдар булдырыласаҡ. Республика буйынса улар йыл да ике урында асыласаҡ, һөҙөмтәлә, ауыл халҡы ла ҡалалағылар кеүек яҡшы сифатлы фильмдар ҡарау, премьераларҙы тәүгеләрҙән булып күреү мөмкинлеген ала.

“Мәҙәниәт” милли проекты төрлө мәҙәни саралар уҙғарыуҙы ла маҡсат итеп ҡуя. Шуларҙың береһе - “Евразия йөрәге” IV Халыҡ-ара мәҙәниәт һәм сәнғәт фестивале Өфөлә 12-15 июндә үтә. Сара Башҡортостандың 100 йыллығына бағышлана.