Уйнап һөйләһәң дә, уйлап һөйлә

Башҡортостанда алдаҡ шаяртыу өсөн мәктәп уҡыусыһына ҡарата енәйәт эше ҡуҙғатылған. Күгәрсен районында дәрескә барырға теләмәгән 16 йәшлек үҫмер социаль селтәрҙә мәктәпкә бомба һалынған тип яҙған. Үҫмергә ҡарата «Шартлатырға әҙерләнеү тураһында ялған хәбәр өсөн» статьяһы буйынса енәйәт эше ҡуҙғатҡандар. Уға 200-ҙән алып 500 мең һумға тиклем штраф йәки 3 йылға тиклем ҡулға алыныу, йә иһә 2-3 йыл мәжбүри эштәр янай.

Был шаяртыу бик тәрәнгә киткән.