Машина ғына һөйрәр тимә

Кисә Өфөлә ҡаты коммуналь ҡалдыҡтар менән эш итеү өлкәһенең төбәк операторҙары халыҡ-ара съезға йыйылды. Сара мәлендә башҡорт бәһлеүәне, Рәсәйҙең иң көслө кешеһе Эльбрус Ниғмәтуллин оло рекорд ҡуйҙы. Эльбрус Хәмит улы махсус терәккә ултырып, арҡан менән мультилифт кузовлы МАЗ-6312С9 йөк машинаһын һөйрәтте. Уның тулы ауырлығы 16 тонна тәшкил итә.Әйткәндәй, былтыр Түбәнге Новгородта ошондай сарала Эльбрус Ниғмәтуллин 15 тонналыҡ машинаны урынынан ҡуҙғатты.