Юлдарға - 115 миллион

“Хәүефһеҙ һәм сифатлы автомобиль юлдары “ проекты нигеҙендә Салауат ҡалаһына юл ремонтлауға 115 миллион һум аҡса бүленде.

Транспорт һәм юл хужалығы буйынса дәүләт комитетынан хәбәр итеүҙәренсә, әле ҡалала Ленин урамы, Салауат Юлаев бульвары төҙөкләндерелә. Тиҙҙән Калинин урамында ла ремонт башланасаҡ. Ҡалала милли проектты тормошҡа ашырыу йәһәтенән саралар планына туғыҙ объект инә. Әйтелгәндәрҙән тыш, Бекетов, Магистраль урамдарында яңы юл һалыу планлаштырыла.