Һуңғы ҡыңғырау ҙа шылтырар

Республикабыҙҙа быйыл 19 меңгә яҡын XI, 42 меңдән ашыу IX класс уҡыусыһы өсөн “Һуңғы ҡыңғырау” тантанаһы үтәсәк. Шулай уҡ 25 майҙа, шәмбе көн, “Яҙғы бал” ойошторола.

“Һуңғы ҡыңғырау” үткәрелгән көндәрҙә - 23 һәм 25 май – республика магазиндарында алкоголь һатыу тыйыла. Был ҡағиҙә төбәк биләмәһенә 2017 йылдан индерелде. Уны боҙоу осраҡтары өсөн штраф ҡаралған: вазифалы кешеләргә – 20 – 40 мең һум, ойошмаларға – 100 – 300 мең һум.