2018 йылды 4 млн һум менән

Башҡортостан Башлығы вазифаһын ваҡытлыса башҡарыусы Радий Хәбиров 2018 йыл өсөн килеме һәм мөлкәте тураһында мәғлүмәт бирҙе. Уның рәсми килеме 4 миллион һум тәшкил иткән, хәләл ефете Каринэ Хәбирова ошо уҡ осорҙа 242,5 мең һум эшләгән. Документ республика башлығы сайтында баҫылған.

Радий Хәбировтың милкендә — майҙаны 913 квадрат метрлыҡ ер участкаһы, 82,5 квадрат метрлыҡ йорт һәм гараж. Майҙаны 557 квадрат метрлыҡ дәүләт дачаһы һәм 30 квадрат метрлыҡ дәүләт фатиры файҙаланыуҙа.

Каринэ Хәбированың 52 һәм 140,8 квадрат метрлыҡ ике фатиры, Porsche Cayenne автомобиле бар. Бәлиғ булмаған бала исеменә мөлкәт теркәлмәгән.