Вәт кемдәрҙән өлгө алырға кәрәк

“Бирешмә” I балалар премияһының тәүге еңеүселәре асыҡланды. Улар ете номинацияла билдәләнде. Премияға Ишембай, Учалы, Йылайыр, Архангел, Бөрйән райондары һәм Өфө ҡалаһы үҫмерҙәре лайыҡ булды.

“Бирешмә! Телде үҫтер!” – Ләйсән Золотарева (башҡорт телен үҫтергәне, әҙәбиәтте, фольклорҙы популярлаштырғаны өсөн); “Бирешмә! Көслө бул!” – Илнур Ғарипов (спорттағы еңеүе өсөн); “Бирешмә! Ярҙам ит!” – Ирек Үмәрбаев (бәләгә тарыған кешегә ярҙам иткәне өсөн); “Бирешмә! Белемгә ынтыл!” – Сафия Хажиморатова (уҡыуҙағы һәм фәндәге уңыштары өсөн); “Бирешмә! Ереңде һаҡла!” – Гүзәл Шәрәфетдинова (йәш эколог); “Бирешмә! Ижад ит!” – Эвелина Вахитова (йәш ижадсы); “Бирешмә! Медиадонъяны яула!” – Зилиә Буранбаева (йәш журналист, режиссер, оператор).

Рафиҡ Шароян менән Айгөл Ибраһимова махсус приздарға лайыҡ булды.