Хәүефле исемлеккә ингәнбеҙ

Башҡортостан Рәсәйҙең водителдәр өсөн иң хәүефле биш төбәге иҫәбенә инде. ЮХХДИ мәғлүмәте буйынса, былтыр республика юлдарында 550 кеше һәләк булған. Был - Кубандән, Мәскәү һәм Ростов өлкәләренән ҡала ил буйынса 4-се күрһәткес. Хәтерегеҙгә төшөрәбеҙ, 1 марттан республикала махсус комиссия эшләй башланы. Ул кешеләр һәләк булған авария урынына барып, юлдың торошон баһалай. Кәрәк икән, юлдың ошо участкаһында светофор, яҡтыртҡыстар, юл билдәләре, ҡаршылыҡ кәртәһе ҡуйыла һәм билдә һыҙыла.