Һабантуйҙа эсмәҫкә!

Радий Хәбиров һабантуйҙарҙа алкоголь һатыуҙы сикләргә тәҡдим итте. Хөкүмәттәге оператив кәңәшмәлә Башҡортостан ауылдарында ялған алкоголде йәшертен һатыуға ҡаршы көрәшкә яҡынса йомғаҡ яһалды. Бер айҙа республикала суррогатты йәшертен һатҡан 1300 нөктә ябылды. Докладтан һуң республика етәксеһе һабантуйҙарҙа хәмер һатыуҙы тыйыу тураһында уйланырға тәҡдим итте.

«Үҙебеҙҙең башҡорт һабантуйҙарына йәш саҡтан уҡ йөрөйөм. Байрамдан һуң яланда ятып ҡалған стакандар, шешәләр йыш ҡына күңелдә ауыр тойғолар ҡалдыра ине. Хәҙер һабантуйҙарҙа алкоголде тыймайбыҙ түгелме? Бәлки, был хаҡта уйланырға ваҡыттыр», - тине ул.