Бик иртә уянған

Башҡортостанда талпандар уяна башлаған. “Башҡортостан Республикаһының гигиена һәм эпидемиология” үҙәге лабораторияһына ике кеше мөрәжәғәт иткән. Белгестәр билдәләүенсә, быйыл талпандар ғәҙәттәгенән иртәрәк уянған. Быға тиклем тәүге тешләү осорҙары апрель баштарына тура килә ине. 2018 йылдан “Башҡортостан Республикаһының гигиена һәм эпидемиология” үҙәге сайтында яңы система ғәмәлдә. Лабораторияға мөрәжәғәт иткән кешеләр шәхси номер ала, аҙаҡ уның ярҙамында үҙәктең рәсми сайтында тикшереү һөҙөмтәһен күрә ала.