Лифттар ҙа алыштырыла

Башҡортостанда быйыл республиканың 600 миллион һумлыҡ ярҙамы менән 615 лифт алмаштырыла. Ошо хаҡта республиканың торлаҡ-коммуналь хужалыҡ министры урынбаҫары Юрий Палтусов хәбәр итә. Башҡортостандың төбәк операторы 303 лифтты өс йылға бүлеп түләү менән шарты алмаштыра. Республика капиталь ремонт программаһы ғәмәлдә булған осорҙа 2014 йылдан 2018 йылға тиклем төбәктә 1100 лифт алмаштырылды, шуларҙың яртыһынын ашыуы - өс йылға бүлеп түләү менән. Агентлыҡ хәбәр итеүенсә, 2018 йылда Башҡортостандың күп фатирлы йорттарында - 600, шул иҫәптән Өфөлә 334 иҫке лифт алмаштырылған. Бер лифтты алмаштырыу хаҡы яҡынса 2 миллион һум тәшкил итә.