Бала - бауыр ите, тиһәләр ҙә

Өфө ҡалаһында ҡурҡыныс ваҡиға теркәлгән - 21 йәшлек әсә туғыҙынсы ҡаттан ике йәшлек ҡыҙын ташлаған һәм артынан үҙе һикергән. Уларҙың икеһенең дә иҫән ҡалыуы мөғжизәгә тиң! БР Һаулыҡ һаҡлау министрлығының матбуғат хеҙмәтенән хәбәр итеүҙәренсә, ҡыҙҙың хәле ауыр, ә әсәһенеке – уртаса.

- Баланың хәле ауыр, әле ул реанимацияла. Әсәһенеке улай уҡ ҡурҡыныс түгел. Икеһенә ҡарата ла барлыҡ медицина ярҙамы күрһәтелә, - тиҙәр белгестәр.

Фажиғә урынында булған шаһиттар әйтеүенсә, уларҙы үлемдән тәҙрә төбөндәге ҙур ҡар өйөмө ҡотҡарған. Әле тәфтишселәр тикшереү алып бара.