Башҡортостандың алтын фонды

8 мартҡа бүләк - миҙал. Ҡатын-ҡыҙҙар байрамы алдынан ишле бала тәрбиәләүсе бер төркөм гүзәл заттарға "Әсәлек даны" миҙалы тапшырылды. Республика етәксеһе Радий Хәбиров әйтеүенсә, тап улар Башҡортостандың алтын фонды.Төбәктә әле 46 меңдән ашыу күп балалы ғаилә йәшәй. Уларҙа 155 меңдән ашыу бала тәрбиәләнә. Бындай ғаиләләр хаҡында хәстәрлек күреү өсөн балалар баҡсалары, мәктәп, поликлиникалар, дауахана, спорт майҙансыҡтары күпләп төҙөләсәк. Шул уҡ ваҡытта балаларҙың ижади үҫеше лә минең өсөн үтә лә мөһим мәсьәлә, тине Радий Хәбиров.

Бөгөнгө тантанала юғары наградаға дүрт тиҫтәнән ашыу гүзәл зат лайыҡ булды. Әсәләрҙең күбеһе күп бала тәрбиәләргә лә, эшләп йөрөргә лә өлгөрә. Ишле ғаиләлә туғанлыҡ, берҙәмлек тойғоһо көслө була, балалар бер-береһенә ярҙам итеп үҫә, ти улар.