Алға! Тик алға ғына!

Башҡортостан Башлығы вазифаһын ваҡытлыса башҡарыусы Радий Хәбиров "Салауат Юлаев" хоккей клубы күнекмәләрендә булды, хоккейсылар менән аралашты һәм уларға плей-офта уңыштар теләне.

- Салауат Юлаев" - беҙҙең өсөн беренсе команда, ысын хоккей элитаһы. Башҡортостан халҡы үҙебеҙҙең клуб менән ғорурлана, уның өсөн янып-көйәбеҙ, уның уйыны менән йәшәйбеҙ. Беҙҙең команда көслө, татыу, коллективта яҡшы мөхит, бер-береңә ярҙам итеү, дуҫтарса мөнәсәбәттәр һаҡлана. Ошондай команда менән мөмкин тиклем күберәк еңеүҙәргә, Гагарин Кубогына дәғүә итергә кәрәк. Көйәрмәндәрегеҙҙе ҡыуандырырға тырышығыҙ. Беҙгә һеҙгә ышанабыҙ, - тине Радий Хәбиров.

Республика етәксеһе әйтеүенсә, Башҡортостан артабан да командаға ярҙам итә. Бының өсөн төбәктә теләк һәм мөмкинлектәр бар. Радий Хәбиров шулай уҡ балалар хоккейын үҫтереү мөһимлеген билдәләне. Киләсәктә ҡалаларҙа өс боҙ һарайы төҙөләсәген әйтте.

Плей-офтың беренсе өлөшөндә "Салауат Юлаев" "Металлург"ҡа ҡаршы уйнай. Тәүге ике матч Магнитогорскиҙа бөгөн һәм 27 февралдә үтә. 1 һәм 3 мартта Өфөлә яуап осрашыуҙары була.