Таяҡ менән дауалаһаң, эшһеҙ ҡалырһың

Башҡортостанда һынған аяҡты таяҡ менән дауалаған табип эшенән бушатылды. Ул ауыр хәлле пациентты дауаханаға һалмағаны өсөн ғәйепле тип табылған. Ваҡиға Кушнаренко районында була. 83 йәшлек ханым аяҡ һөйәген һындырғандан һуң район дауаханаһына алып барылған. Дежур табип өйҙә лә дауаланып булыуға һылтанған, гипс һалғанда иһә ағас швабраның бер өлөшөн ҡулланған. Был хәл менән тәфтишселәр ҡыҙыҡһынған.