Һөйләшәйек күҙгә-күҙ ҡарашып

Башҡортостан йәштәре Радий Хәбиров менән осраша. Был һөйләшеү киләһе аҙнала "Күҙгә-күҙ ҡарашып" тигән проект барышында ойошторола, - тип хәбәр итәләр Йәштәр сәйәсәте һәм спорт министрлығынан. Осрашыуға республика райондары һәм ҡалаларынан әүҙем егеттәр һәм ҡыҙҙар саҡырыла. Студент ойошмалары, йәштәр хәрәкәте вәкилдәре, йәш спортсылар, ғалимдар һәм ирекмәндәр төбәк етәксеһенә һорауҙар бирә ала, проекттары менән таныштыра, яңы идеялар тәҡдим итә.