Бүләккә - яңы баҫма

Башҡортостан Республикаһының 100 йыллығына тематик журнал баҫтырыла. Китап нәширәттәренең береһе “Башҡортостан гүзәле” тип аталған яңы баҫма әҙерләй.

Проект етәксеһе Нияз Алсынбаев:

- Яңы баҫмабыҙҙа республикабыҙҙың төрлө ҡала-ауылдарында йәшәүсе Башҡортостандың иҡтисади, социаль, мәҙәни үҫешенә үҙ өлөшөн индергән төрлө йәштәге, төрлө һөнәр кешеләре тураһында һөйләмәксебеҙ. Журнал геройҙары араһында табиптар, уҡытыусылар, ауыл хужалығы эшсәндәре, йорт хужабикәләре һәм эшҡыуарҙар бар. Яңы баҫманың даирәһе киң булыуы айырыуса мөһим. Сөнки беҙ республикабыҙҙа йәшәүсе төрлө милләт вәкилдәрен, уларҙың уңыш-ҡаҙаныштарын күрһәтәбеҙ. Тәүге һаны быйыл март айында ике телдә донъя күрәсәк.