Әлегә һигеҙ сәғәт эшләйбеҙ

Эксперттар Рәсәйҙә алты сәғәтлек эш көнө буйынса һорауға яуап бирҙе. Ошо көндәрҙә Өфөлә хеҙмәт мәсьәләләренә арналған халыҡ-ара форум үтте. Унда Европала ҡайһы бер компанияларҙың алты сәғәтлек эш көнөнә, йә 4 көнлөк эш аҙнаһына күсеүе тураһында әйтелде. Рәсәй бойондороҡһоҙ профсоюзы иһә эш хаҡы һәм социаль түләүҙәр тулыһынса һаҡланған хәлдә генә 6 сәғәтлек эш көнөнә күсергә була, тип белдерҙе.