Пособие артты

Башҡортостанда балалар өсөн пособие арттырылды. Ошо турала Ғаилә, хеҙмәт һәм халыҡты социаль яҡлау министрлығынан хәбәр итәләр. Пособие былтырғы инфляция кимәленә ҡарап 4,3 процентҡа индексацияланды. Шулай итеп, бала тыуғанда ғаиләгә бер тапҡыр түләнә торған пособие 20 мең 100 һумға етте. Бала ҡарау өсөн дә күберәк бирелә. Беренсе сабыйға минималь пособие яҡынса 3 мең 800 һум булһа, икенсеһе һәм ҡалғандары өсөн 7 мең ярым түләнә.