Ялған шылтыратыуҙар күп

Башҡортостанда уҙған аҙнала шартлатҡыстар һалыныу тураһында 58 ялған хәбәр ҡабул ителгән. Шул сәбәпле, 11 меңдән ашыу кеше эвакуацияланған. Ошо турала Республика Хөкүмәтендә үткән оператив кәңәшмәлә Ғәҙәттән тыш хәлдәр буйынса дәүләт комитеты рәйесе Фәрит Ғүмәров белдерҙе. Бомбалар мәктәп, сауҙа үҙәктәре, дауаханалар, хакимиәт биналарында һалыныуы тураһында хәбәр ителде. Бер урында ла шартлатҡыстар табылмаған.