Ҡурҡыта, шомландыра

Үҙәк каналдарҙан Рәсәйҙең 23 төбәгендә киҙеү эпидемияһы башланыуы тураһында бер туҡтауһыҙ һөйләйҙәр.“Роспотребнадзор” хәбәр итеүен­сә, ғинуарҙа республикала киҙеүҙең тәүге осраҡтары теркәлгән. Беҙҙең ҡалала ла киҫкен респиратор вируслы сирҙәр менән ауырыусылар һаны артҡан. Ауырыу йоғошло булғанға күрә, профилактик сараларҙы теүәл үтәгеҙ. Халыҡ күпләп йөрөгән урындарға барғанда медицина битлеге ҡулланығыҙ. Уны ике сәғәт һайын алмаштырырға кәрәк. Урамдан кергәс ҡулығыҙҙы мотлаҡ һабын менән йыуығыҙ. Тананауығыҙҙы ла сайҡарға онотмағыҙ. Бүлмәне даими елләтеү мөһим.