"Халыҡ ҡайҙа, власть та шунда булырға тейеш!"

Башҡортостан чиновниктары социаль селтәрҙәр ярҙамында проблемаларҙы тиҙерәк хәл итә башлаған. Республика етәксеһе вазифаһын ваҡытлыса башҡарыусы Радий Хәбиров бындай аралашыу майҙансығына айырым иғтибар кәрәклеге тураһында белдерҙе, халыҡ ҡайҙа, власть шунда булырға тейеш тине. Социаль селтәрҙәр аша 60 меңдән ашыу проблема асыҡланған. Бер өлөшө хәл ителгән дә инде. Башҡортостанда "Инцидент менеджмент" тигән система эшләп килә. Социаль селтәрҙәрҙә халыҡ яҙған анализлана, иң көнүҙәк мәсьәләләр һайлап алына һәм хәл ителә.