Балаларға - уңайлыҡтар

Республикала балалар майҙансыҡтары һәм йәмәғәт биләмәләре төҙөкләндерелә.Радий Хәбировтың ҡушыуы буйынса «Ҡала мөхите» һәм «Башҡортостан ихаталары» программалары эшләй башлай. Быйыл уларға 3 миллиард һум бүленде (бер йыл элекке осор менән сағыштырғанда өс тапҡырға күберәк).

Хәҙер халыҡ нимәне ремонтларға йәки төҙөкләндерергә кәрәклеген үҙҙәре хәл итә. 20 февралгә тиклем хакимиәт башлыҡтары йыйылыштар үткәреп, эштәрҙең төрөн билдәләргә тейеш. Мәҫәлән, резина япмалы балалар һәм спорт майҙансыҡтары, эскәмйәләр, урналар, контейнер майҙансыҡтарын кәртәләү, йәшелләндереү, яҡтыртыу, асфальт түшәү, парковкалар , тротуарҙар булдырыу, видеокүҙәтеү ҡуйыу.

Шуныһы мөһим: эштәрҙе финанслауҙа халыҡ та ҡатнашырға тейеш. Сумма 1% ҡына тәшкил итә. Эштәр 15 майҙа башлана һәм 1 сентябргә йә 1 октябргә тамамланырға тейеш.

«Йомшаҡ резина япмаһы булмаған бер ихатаны ла ҡабул итмәйбеҙ», - тип өҫтәне республика Башлығы.