Шағир исеме - Алматыла

Алматы ҡалаһында Мостай Кәрим урамы барлыҡҡа килде.«Ҡаҙағстанда Мостай Кәримдең ижадын беләләр һәм яраталар. Был - беҙҙең өсөн оло хөрмәт», - тип билдәләне Ҡаҙағстандың Ғәҙәттән тыш һәм тулы хоҡуҡлы илсеһе Иманғәли Тасмағамбетов.

Мостай Кәрим төрлө сараларҙа ҡатнашыу өсөн бер нисә тапҡыр Алматыға бара. Уның республикаға һәм уның халҡына йылы мөнәсәбәте «Йырымда Ҡаҙағстанды данлайым» шиғырында сағылыш таба.