Юл хаталарҙы ғәфү итмәй

Башҡортостан юлдарында һуңғы тәүлектә 13 авария булған. Уларҙа 2 кешенең ғүмере өҙөлгән, 15-е йәрәхәт алған. Үлемесле юл ҡазаларының береһе Туймазы районында теркәлгән. 58 йәшлек ир рөхсәт ителмәгән урындан юл аша сығып барған һәм машина тәгәрмәсе аҫтында ҡалған. Тағы бер авария бөгөн иртән булған, Тойота һәм Мерседес машиналары бәрелешкән, Өфө районынан 44 йәшлек ир ваҡиға урында йән биргән.