Ҡырымды ла иңләйбеҙ

Башҡортостан троллейбустары Ҡырымда ла йөрөйәсәк. Ҡырым етәкселеге менән Өфө трамвай-троллейбус заводы араһында килешеүгә ҡул ҡуйылды. Уға ярашлы, электр сымдарынан тыш, аккумулятор энергияһын файҙаланып йөрөй алған тәүге троллейбус Симферополь-Алушта-Ялта маршруты буйынса ебәрелә. Проект уңышлы тип табылһа, яңы килешеүҙәр төҙөү планлаштырыла. Өфөлә етештерелгән ошондай троллейбустар Татарстанда ла йөрөй, 105 кешегә иҫәпләнгән транспорт Әлмәт халҡын хеҙмәтләндерә.