Байрамдар үтте, Яңы йылдың төп ҡунағыбулған шыршыларҙыңҡәҙере китте. Иҫке Яңы йылды ҡаршылағандан һуң, кешеләр уларҙы сүплеккә ташый башланы. Ашыҡмағыҙ, туҡтап тороғоҙ, шыршыларҙы сүплеккә түгел, ә махсус урындарға тапшырырға мөмкин бит. Шулай итһәк, ҡалабыҙ ҙа таҙараҡ булыр, файҙаһын да күрербеҙ. 14 ғинуарҙан 24-енә тиклем ҡупшыҡайҙарҙы тарихи-тыуған яҡты өйрәнеү музейы артындағы скверға, йә булмаһа "Вега" бассейны артындағы майҙансыҡҡа килтерергә була. "Эко-Сити" төбәк оператор уларҙы икенсе тапҡыр эшкәртеп, хужалыҡта кәрәкле ағас онтағы етештерергә әҙер. Тәбиғәтте бергәләп һаҡлайыҡ, дуҫтар.