Сүп-сар өсөн яуаплылар

Рәсәйҙә ҡаты көнкүреш ҡалдыҡтарын эшкәртеү буйынса берҙәм оператор булдырылды. Ил президенты Владимир Путин ошо туралағы Указға ҡул ҡуйҙы. Компания Мәскәүҙә урынлаша, ул сүп-сар эшкәртеүгә ҡағылышлы дәүләт программалары, проекттарҙы ғәмәлгә ашырыу өсөн инвесторҙар йәлеп итеү менән шөғөлләнә.

Рәсәйҙә 1 ғинуарҙан сүп-сар яңыса эшкәртелә. Башҡортостанда ҡалдыҡтарҙы йыйыу һәм эшкәртеү өсөн дүрт компания яуаплы. Быйылдан сүп сығарыу өсөн ауыл кешеләре лә түләй башлай.