Изгелек донъяны ҡотҡарыр

Башҡортостанда полицейский һыуға батып барған пенсионерҙы ҡотҡарған.

3 ғинуарҙа полиция лейтенанты Павел Зотов Стәрлетамаҡта дачаһында ғаиләһе менән ял иткән сағында 11 йәшлек ҡыҙҙың ярҙам һорап ҡысҡырғанын ишетеп ҡала. Уның олатаһы боҙ аҫтына төшөп киткән икән. Павел шунда уҡ боҙло һыуға инеп, пенсионерҙы сығарған. Оло йәштәге кешенең астма өйәнәге башланған булған.

Аҙаҡтан асыҡланыуынса, олатай ейәнсәре менән йылға буйында йөрөгән. Ҡыҙыҡайҙың шыуғысы йылғаға төшөп киткән. Пенсионер уны алмаҡсы булып, үҙе боҙ аҫтында ҡалған. Астма өйәнәге тотоу сәбәпле һәйбәтләп тын ала алмаған. Ейәнсәре ярҙам һорап йүгергән һәм шул саҡта лейтенант Зотовты осратҡан.

Батыр егет Рәсәй Эске эштәр министрлығының Стәрлетамаҡ буйынса идаралығы исеменән бүләкләнә.