Барыһы ла ҡараясаҡ

Бер кем дә телевидение тапшырыуҙарынан мәхрүм ҡалмаясаҡ.Был турала бөгөн Республика хөкүмәтендә уҙған оператив кәңәшмәлә белдерелде. Матбуғат һәм киң мәғлүмәт саралары агентлығы етәксеһе Борис Мелкоедов әйтеүенсә, республиканың 80 процент халҡы кабель һәм юлдаш телевидениеһын ҡуллана. Улар әле үк 20-нән ашыу канал ҡарай ала.

Халыҡтың аҙ тәьмин ителгән ҡатламына приставка алыу өсөн аҡса бүленә. Цифрлы сигналдар етмәгән ерҙәргә юлдаш һәм кабель телевидениелары үткәреүгә дәүләт ярҙам итәсәк. Ә Башҡортостан юлдаш телевидениеһына килгәндә, республика биләмәләрендә ул ғәҙәти тәртиптә эшләйәсәк.

Рәсәй буйынса цифрлы телевидениеға тулыһынса күсеү быйылғы йылдың 2 июненә билдәләнгән.